من طاح من عينك ,,,

 من طاح .. من عينك ؟؟ ومن فيه ما طاح ؟؟
ذي طيبتك .. واليوم .. تدفع ثمنها
:

حتى لو انك كنت .. صاحي .. ولمـــاح
أصحاب ( كيف الحال ) محدٍ .. ضمنها
:

صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها
:

يالله دخيلك .. كلـها .. شالت .. رماح
حتى الوغـد قام .. يتخمش رسنها

مات الحيا والمرجلة .. دمها .. ساح
كلٍ كشف .. عن سوء نيه .. دفنها
:

دامه .. زمن عقرب ، وحيه ، وتمسـاح
خل الأسود .. اتنام .. ما هو زمنها
:

قالولي انطح .. صيحة الصوت .. بصياح
واعزل احرام السالفة .. عن كـفنها
:
قلت الخسارة بالردي .. عندي ارباح
ومثلي .. يعلي هامته .. ماطـمنها
:

ترسي جبال طويق لا هــبت ارياح
وانا من اول .. مأخذ الراي .. منها
:

اقولها وانا .. مروّق .. ومـرتاح
شل الله .. لسان العـفون .. وبدنها